মাতা দুর্গার ধ্যান ও পুষ্পাঞ্জলি মন্ত্র

 মাতা দুর্গার ধ্যান

🌺🌺🌺🌺🌺

ওঁ জটাজুটসমাযুক্তামৰ্দ্ধেন্দুকৃতশেখরাম্। লোচনত্রয়সংযুক্তাং পুর্ণেন্দুসদৃশাননাম্‌॥ অতসীপুষ্পবর্ণাভাং সুপ্রতিষ্ঠাং সুলোচনাম্‌। নবযৌবনসম্পন্নাং সৰ্ব্বা্ভরণ ভূষিতাম্॥ 

সুচারুদশনাং তদ্বৎ পীনোন্নতপয়োধরাম্। ত্রিভঙ্গস্থানসংস্থানাং মহিষাসুরমর্দিনীম্‌॥ মৃণালায়তসংস্পৰ্শ-দশবাহুসমন্বিতাম্। 

ত্রিশূলং দক্ষিণে ধ্যেয়ং খড়গং চক্ৰং ক্রমাদধঃ॥ তীক্ষবাণং তথা শক্তিং দক্ষিণেষু বিচিন্তয়েৎ। 

খেটকং পূর্ণচাপঞ্চ পাশমেঙ্কুশমেব চ॥ 

ঘণ্টাং বা পরশুং বাপি বামতঃ সন্নিবেশয়েৎ। অধস্তান্মহিষং তদ্বদ্বিশিরস্কং প্রদর্শয়েৎ॥ শিরশ্ছেদোদ্ভবং তদ্বদ্দানবং খড়গপাণিনম্। 

হৃদি শূলেন নির্ভিন্নং নিৰ্য্যদন্ত্রবিভূষিতম্‌॥ রক্তরক্তীকৃতাঙ্গঞ্চ রক্তবিস্ফুরিতেক্ষণম্। 

বেষ্টিতং নাগপাশেন ভ্ৰকুটীভীষণাননম্॥ সপাশবামহস্তেন ধৃতকেশঞ্চ দুৰ্গয়া। 

বমদ্রুধিরবক্ত্রঞ্চ দেব্যাঃ সিংহং প্রদর্শয়েৎ॥

দেব্যাস্তু দক্ষিণং পাদং সমং সিংহোপরিস্থিতম্। কিঞ্চিদুৰ্দ্ধং তথা বামমঙ্গুষ্ঠং মহিষোপরি॥ 

স্তূয়মানঞ্চ তদ্রুপমমরৈঃ সন্নিবেশয়েৎ। 

উগ্ৰচণ্ডা প্রচণ্ডা চ চণ্ডোগ্রা চণ্ডনায়িকা। 

চণ্ডা চণ্ডবতী চৈব চণ্ডরূপাতিচণ্ডিকা॥ 

অষ্টাভিঃ শক্তিভিস্তাভিঃ সততং পরিবেষ্টিতাম্‌। চিন্তয়েজ্জগতাং ধাত্ৰীং ধৰ্ম্মকামার্থমোক্ষদাম্॥

পুষ্পাঞ্জলি মন্ত্রঃ 

 

সচন্দনপুষ্প ওবিল্বপত্র হাতে নিয়ে 

 (১) 

নমঃ আয়ুর্দ্দেহি যশো দেহি ভাগ্যং ভগবতি দেহি মে| পুত্রান্ দেহি ধনং দেহি সর্ব্বান্ কামাশ্চ দেহি মে ||

হর পাপং হর ক্লেশং হর শোকং হরাসুখম্ | 

হর রোগং হর ক্ষোভং হর মারীং হরপ্রিয়ে ||

সংগ্রামে বিজয়ং দেহি ধনং দেহি সদা গৃহে | ধর্ম্মার্থকামসম্পত্তিং দেহি দেবী নমোস্তু তে ||

এষ সচন্দন-পুষ্পবিল্বপত্রাঞ্জলিঃ নমঃ দক্ষযঞ্জ বিনাশিন্যে মহাঘোরায়ৈ যোগিনী কোটিপরিবৃতায়ৈ ভদ্রকাল্যৈ ভগবত্যৈ দুর্গায়ৈ নমঃ ||

(২)

নমঃ মহিষগ্নি মহামায়ে চামুন্ডে মুন্ডমালিনি | আয়ুরারোগ্য বিজয়ং দেহি দেবী নমোস্তুতে ||

নমঃ সৃষ্টিস্তিতিবিনাশানাং শক্তিভূতে সনাতনি | 

গুণাশ্রয়ে গুণময়ে নারায়ণি নমোস্তু তে ||

নমঃ শরণাগতদীর্নাত পরিত্রাণপরায়ণে | 

সর্বস্যাতিহরে দেবী নারায়ণি নমোস্তু তে ||

এষ সচন্দন-পুষ্পবিল্বপত্রাঞ্জলিঃ নমঃ দক্ষযঞ্জ বিনাশিন্যে মহাঘোরায়ৈ যোগিনী কোটিপরিবৃতায়ৈ ভদ্রকাল্যৈ ভগবত্যৈ দুর্গায়ৈ নমঃ ||

(৩)

কালি কালি মহাকালি কালিকে কালরাত্রিকে | ধম্মকামপ্রদে দেবি নারায়ণি নমোস্তু তে ||

লক্ষ্মি লজ্জে মহাবিদ্যে শ্রদ্ধে পুষ্টি স্বধে ধ্রুবে | 

মহারাত্রি মহামায়ে নারায়ণি নমোস্তু তে ||

কলাকাষ্ঠাদিরূপেণ পরিণামপ্রদায়িনি |

বিশ্বস্যোপরতৌ শক্তে নারায়ণি নমোস্তু তে ||

এষ সচন্দন-পুষ্পবিল্বপত্রাঞ্জলিঃ নমঃ দক্ষযঞ্জ বিনাশিন্যে মহাঘোরায়ৈ যোগিনী কোটিপরিবৃতায়ৈ ভদ্রকাল্যৈ ভগবত্যৈ দুর্গায়ৈ নমঃ ||

প্রনাম মন্ত্রঃ

সর্বমঙ্গলমঙ্গল্যে শিবে সর্বাথসাধিকে | 

শরণ্যে ত্র্যম্বকে গৌরি নারায়ণি নমোস্তু তে ||

জয়ন্তী মঙ্গলা কালী ভদ্রকালী কপালিনী | 

দুর্গা শিবা ক্ষমা ধাত্রী স্বাহা স্বধা নমোস্তু তে ||

সর্বস্বরূপে সর্বেশে সর্বশক্তিসমন্বি তে | 

ভয়েভ্যস্ত্রাহি নো দেবি দুর্গে দেবি নমোস্তু তে ||

Share This:

Facebook Twitter Pinterest Linkedin Whatsapp Whatsapp

About Love Status

This is a short description in the author block about the author. You edit it by entering text in the "Biographical Info" field in the user admin panel.